Zgjedhje 2024

Zgjedhjet presidenciale 2024

Raundi i parë për zgjedhjet e shtata presidenciale do të mbahet më 24 prill, ndërsa raundi i dytë i zgjedhjeve do të mbahet më 8 maj së bashku me zgjedhjet e rregullta të njëmbëdhjeta parlamentare.

Sipas Kushtetutës dhe rregullave pozitive ligjore, Presidenti i Republikës zgjidhet me zgjedhje të përgjithshme dhe të drejtpërdrejta, me votim të fshehtë, për një periudhë pesëvjeçare. Për president të Republikës i njëjti person mund të zgjidhet më së shumti dy herë. Presidenti i Republikës duhet të jetë shtetas i Republikës së Maqedonisë. President i Republikës mund të zgjidhet personi që ka mbushur të paktën 40 vjeç në ditën e zgjedhjeve . Për president të Republikës nuk mund të zgjidhet një person që nuk ka qenë banor i Republikës së Maqedonisë së Veriut për të paktën dhjetë vjet në 15 vitet e fundit.

Kandidatin për president të Republikës mund të propozojnë të paktën 10.000 votues ose të paktën 30 deputetë. Për president të Republikës zgjidhet kandidati që ka marrë shumicën e votave të numrit të përgjithshëm të zgjedhësve. Nëse në raundin e parë asnjë kandidat për President të Republikës nuk ka marrë shumicën e kërkuar të votave, në raundin e dytë votohen dy kandidatë që kanë marrë më shumë vota në raundin e parë. Raundi i dytë i votimit zhvillohet në afat prej 14 ditëve nga përfundimi i raundit të parë të votimit. Kandidati që ka marrë shumicën e votave të zgjedhësve që kanë votuar zgjidhet President, nëse kanë votuar më shumë se gjysma e zgjedhësve. Nëse në raundin e dytë të votimit asnjë nga kandidatët nuk ka marrë shumicën e nevojshme të votave, e gjithë procedura zgjedhore përsëritet.

Zgjedhja e Presidentit të Republikës kryhet në 60 ditët e fundit të mandatit të Presidentit të mëparshëm. Në rast të pushimit të mandatit të Presidentit të Republikës për çfarëdo arsye, zgjedhja e Presidentit të ri bëhet në afat prej 40 ditëve nga dita e pushimit të mandatit. Para marrjes së detyrës, Presidenti i Republikës bën një deklaratë solemne para Kuvendit duke u angazhuar për respektimin e Kushtetutës dhe ligjeve.

Lista e kandidatëve për President:

  1. Stevo Pendarovski
  2. Gordana Siljanovska Davkova
  3. Stevço Jakimovski
  4. Bujar Osmani
  5. Biljana Vankovska – Cvetkovska
  6. Arben Taravari
  7. Maksim Dimitrievski

Листа на кандидати за Претседател – Втор Круг:

  1. Stevo Pendarovski
  2. Gordana Siljanovska Davkova

Zgjedhjet parlamentare

Zgjedhjet parlamentare do të mbahen më 8 maj të vitit 2024, së bashku me raundin e dytë të zgjedhjeve presidenciale. Më shumë informacionë së shpejti

Partitë dhe programet

  1. Lidhja social demokrate e Maqedonisë (LSDM) dhe "Koalicioni për një të ardhme evropiane"
  2. VMRO-DPMNE dhe "Koalicioni për Maqedoninë tuaj"
  3. Bashkimi Demokratik për Integrim (BDI) dhe “Koalicioni për frontin Evropian”
  4. Koalicioni "VLEN"
  5. Për Maqedoninë tonë (ZNAM)
  6. E Majta (Levica)

Sistemi zgjedhor

Nga 123 mandate për deputet në Kuvendin e Republikës, 120 zgjidhen nga gjashtë njësi zgjedhore me 20 mandate për deputet në Maqedoni me përfaqësim proporcional nga një listë e mbyllur, me vende të ndara sipas metodës Dont. Tre vendet e mbetura zgjidhen nga shtetasit e Maqedonisë së Veriut që jetojnë jashtë vendit, por plotësohen vetëm nëse numri i votave tejkalon atë të kandidatit të zgjedhur me më pak vota në Maqedoni në zgjedhjet e mëparshme.

Nëse lista e tejkalon këtë prag, ajo fiton një mandat; për të fituar dy mandate, lista duhet të fitojë dy herë më shumë vota dhe për të fituar tre mandate, pragu është tre herë më i madh se numri i votave. Këto vende nuk u plotësuan në Zgjedhjet e vitit 2020 për shkak të pjesëmarrjes së pamjaftueshme.

Procesi zgjedhor

Do të kemi informacione në lidhje me procesin zgjedhor kur të fillojnë fushatat

Rejtingu dhe rezultatet

Sipas të dhënave të përpunuara dhe të publikuara në faqen e internetit të Komisionit shtetëror të zgjedhjeve (KSHZ).