Алатка креирана во рамки на проектот „Изборен Навигатор за зајакнување на демократијата и изборниот процес во С. Македонија “. Овој проект е субгрант добиен во рамки на „ЕУ поддршка за Граѓански ресурсен центар – фаза 2” финансиран од Европската Унија.
Како функционира Прашалникот?
Прашалникот им овозможува на гласачите, преку одговарање на внимателно селектирани и прилагодени 25 прашања, да ги изразат своите ставови во врска со клучни надлежности на локалната самоуправа, како што се: урбанизам, комунални дејности, локален економски развој, образование, култура и заштита на животната средина.
Прашалникот користи градација врз основа на Ликертовата скала, со што овозможува корисниците да ја утврдат својата политичка ориентација. Врз основа на дадените одговори, системот врши споредба со официјалните ставови, програми и јавни изјави на политичките партии и кандидати за градоначалници, земајќи ги предвид само оние партии кои, според најновите јавно достапни анкети, уживаат поддршка над 1%, како и кандидатите официјално потврдени од страна на Државната изборна комисија (ДИК).
01
Избери Место
Скопје, Куманово, Штип, Струмица, Велес, Прилеп, Струга, Тетово
02
Одговори на Прашањата
25 важни прашања, во врска со клучни надлежности на локалната самоуправа.
03
Добиј Резултат
Апликацијата прави споредби и ги анализираа одговорите и генерира алогоритамски резултат базиран на вашите ставови.
Зошто ја креиравме платформата?
Веб платформата www.izborennavigator.mk е бесплатен ресурс и интернет алатка каде граѓаните од наведените општини во Република Северна Македонија ќе можат да ја споредат својата позиционираност со ставовите на кандидатите за градоначалници и листите за советници кои се дел од локалната политичка сцена за изборите во 2025 година.
Платформата има за цел да ги афирмира позициите на кандидатите и листите за совети пред гласачите и да им обезбеди релевантни информации потребни за донесување информирани одлуки на денот на гласањето за локалните избори.
Целта на платформата е да обезбеди релевантни, проверени и лесно достапни информации, со што им овозможува на гласачите да донесат информирана и одговорна одлука при изборот на локални претставници.
Дополнително на тој начин ќе се овозможи подобра заштита на демократските вредности и правото на граѓаните на транспарентен и кредибилен изборен процес.
Често поставувани прашања
Споредбата на вашите ставови со идеолошките и програмските определби на политичките партии и претседателските кандите се заснова на детална методолошка рамка која обезбедува точност и доверливост. Исказите добиени од граѓаните и граѓанките, прецизните анализи, точно утврдените прашања и експертската анализа се прецизно кодирани и направени за да се обезбеди сеопфатна и јасна споредба, што го прави процесот високо доверлив и релевантен.
Политичката агенда на избраните политчки партии е дефинирана со низа теми кои се клучни за гласачите и се актуелни во јавниот дискурс. Овие теми обично вклучуваат, но не се ограничени на социјалните работи, здравството, образованието, економијата, миграцијата, младите, животна средина, владеењето на правото, надворешната политика и меѓународните односи. Платформата ги покрива овие теми за да им се помогне на корисниците да ги разберат позициите на позициите на кандидатите за овие клучни области.
Платформата izborennavigator.mk е дизајнирана да ви помогне и да ви даде нови перспективи во процесот на одлучување при гласањето преку обезбедување вредни информации за позициите на политичките партии и кандидатите. Со споредување на вашите ставови со оние на партиите, истражување на нивните ставови за различни прашања и добивање персонализирани препораки, апликацијата ви дава овластување да донесете информирана одлука кога го давате вашиот глас.
Платформата izborennavigator.mk е достапна на македонски и англиски јазик.
Прашањата кои се дел од платформата се внимателно одбрани и прилагодени врз основа на нивната актуелност за политичкиот дискурс и диференцираат кандидати за градоначалник. Преку давање искази, граѓаните и граѓанките ќе можат да направат пресметка и согласно исказите базирани според Ликертовата скала и градацијата да ја утврдат позиционираноста во политичкиот спектар.
