Избери Регион

Пред да започнете со прашаликот ве молиме изберете еден од регионите достапни на мапата.

Започни со Прашалникот
map

Прашалник

Општината треба да го зголеми данокот на имот за големите комерцијални и индустриски објекти со цел да се зголемат приходите за јавни услуги.
Наместо општи субвенции, општината треба да нуди даночни олеснувања само за компании кои отвораат добро платени работни места и вработуваат млади лица.
Јавните услуги како управувањето со паркинзи и пазари треба да се дадат под концесија на приватни фирми за да се зголеми ефикасноста, дури и ако тоа значи повисоки цени за граѓаните.
Општината треба активно да ги штити малите локални бизниси и занаети преку ограничувања за отворање на нови големи, странски трговски ланци.
Долгорочниот економски развој на општината треба да се темели на развој на туризмот и услужните дејности, наместо на реиндустријализација и отворање нови производствени капацитети.
Треба да се воведе привремен мораториум за изградба на нови станбени згради во најгусто населените делови на општината, сè додека не се донесе нов генерален урбанистички план.
Општината треба да даде приоритет на легализација и урбанизација на старите неформални населби, наместо на нивно ригорозно отстранување, особено кога се работи за социјално загрозени семејства.
Главниот фокус на сообраќајното планирање треба да биде на развој на мрежа на велосипедски и пешачки патеки, дури и ако тоа значи стеснување на просторот за автомобили.
За решавање на сообраќајниот метеж, апсолутен приоритет треба да биде инвестирањето во модерен и ефикасен јавен превоз, наместо во проширување на улици и булевари.
Реконструкцијата на централното градско јадро и плоштадот е поважен инфраструктурен проект од асфалтирањето улици и решавањето на комуналните проблеми во приградските и руралните населби.
Јавното комунално претпријатие мора да остане во целосна сопственост на општината и да не се приватизира, без разлика на финансиските резултати.
Наместо само казни, општината треба да воведе стимулативен систем за селекција на отпад од типот „плати колку што фрлаш“, каде сметките ќе зависат од количината на несортиран смет.
Најголем приоритет во борбата против аерозагадувањето треба да бидат масовните субвенции за еколошки уреди за греење, дури и ако тоа значи помалку средства за други еколошки проекти.
Општината треба да ги заштити сите преостанати слободни зелени површини и да ги претвори во паркови, со воведување на трајна забрана за нивна пренамена во градежно земјиште.
За да се спречи загадувањето, општината треба драстично да ги зголеми казните за фрлање отпад и загадување на животната средина и да воведе 24-часовна комунална полиција.
Општината треба од сопствениот буџет да обезбеди бесплатен оброк за секој ученик во основните училишта.
Финансирањето на професионалните локални спортски клубови, кои го претставуваат градот, треба да има приоритет пред финансирањето на културни манифестации.
За да се задржат младите, поважно е општината да нуди директна финансиска поддршка за прв дом или стартап бизнис, отколку да инвестира во културни и забавни содржини за нив.
Заштитата и ревитализацијата на културно-историското наследство (стари чаршии, тврдини, споменици) треба да добие најголем дел од буџетот за култура, наместо поддршка за современото творештво.
Општината треба да финансира отворање на дневен центар за бездомни лица и други социјално ранливи групи.
Сите седници на Советот на општината и на неговите комисии треба задолжително да се пренесуваат во живо на интернет.
Волјата на граѓаните изразена преку механизми како „партиципативен буџет“ или референдум треба да биде конечна, дури и кога е во спротивност со стручните мислења на администрацијата.
При вработување во општинската администрација и јавните претпријатија, стручноста и образованието мора да бидат единствени критериуми, целосно исклучувајќи ја партиската или етничката припадност.
Сите јавни набавки, договори и трошења од општинскиот буџет треба да бидат јавно објавени на интернет во реално време преку лесно пребарлива дигитална платформа.
Градоначалникот треба да има законска обврска да одржува отворени средби со граѓаните во секоја месна заедница најмалку двапати годишно.