За Проектот
Проектот “Изборен Навигатор за зајакнување на демократијата и изборниот процес во С. Македонија” има за цел зајакнување на демократијата во Северна Македонија преку подобрен изборен процес, зголемена транспарентност, кредибилитет и инклузивност. Проектот се фокусира на јакнење на граѓанските организации и нивната активна улога во изборните процеси, со особен акцент на учеството на жените, младите и маргинализираните групи.
Преку низа активности, проектот ќе придонесе кон зајакнување на капацитетите на домашните организации за набљудување на изборите, што ќе овозможи поширока географска покриеност и зголемено вклучување на различни општествени сегменти. Ќе се организираат обуки за изборните правила, процесите на гласање и техниките на набљудување, со цел граѓанското општество поефективно да го следи изборниот процес. Дополнително, ќе се поддржи формирањето на мрежи на граѓански организации за набљудување, кои ќе работат заеднички за унапредување на транспарентноста и отчетноста на изборите. Еден од клучните аспекти на проектот е оваа дигитална платформа „Изборен навигатор“, која ќе овозможи активна вклученост на граѓаните од целата држава во изборниот процес. Со оваа адаптација, се обезбедува целосна достапност за лицата со попреченост, маргинализираните заедници од руралните средини и гласачите од дијаспората со достапна англиска верзија на платформата, што ќе овозможи информираност и вклученост на иселениците и дијаспората во изборниот процес.
Платформата Изборен Навигатор исто така нуди и интерактивна дигитална алатка каде што граѓаните, набљудувачите, новинарите и граѓаните ќе можат да пријавуваат изборни нерегуларности, медиумска пристрасност, говор на омраза и злоупотреба на јавни ресурси во изборната кампања. Платформата овозможува анализа на пријавените случаи во реално време и нивно доставување до релевантните институции. Проектот исто овозможува кампањи кон зајакнување на медиумскиот интегритет преку мониторинг на медиумското покривање на изборите, анализа на пристрасноста и следење на говорот на омраза и дезинформациите во традиционалните и дигиталните медиуми.
Со овие активности, проектот ќе придонесе кон реализација на двата очекувани резултати: 1) зајакнување на капацитетите на организациите за изборно набљудување и проширување на нивната мрежа и 2) подобрување на медиумскиот интегритет за фер и инклузивни избори. Ова ќе овозможи подобра заштита на демократските вредности и правото на граѓаните на транспарентен и кредибилен изборен процес.
Проектот е финансиран од Европската Унија.
Центар за истражување и анализи НОВУС го спроведува проектот „Изборен Навигатор за зајакнување на демократијата и изборниот процес во С. Македонија “. Овој проект е субгрант добиен во рамки на „ЕУ поддршка за Граѓански ресурсен центар – фаза 2” финансиран од Европската Унија.
Содржината на оваа платфомра не ги одразува ставовите на Европската Унија и на Граѓанскиот ресурсен центар.
Кон што целиме?
Преку алатката „Изборен навигатор“ целиме кон поттикнување на повисоко ниво на граѓанска свест и одговорност, нагласувајќи го значењето на изборното учество како основен столб на демократското уредување. Во центарот на нашите заложби се лицата со попреченост и маргинализираните заедници од руралните средини, кои најчесто се соочуваат со пречки во пристапот до информации и процеси од јавен интерес.
Со таа цел, платформата е надградена и прилагодена така што овозможува полн и рамноправен пристап за сите. Вклучени се функционалности што обезбедуваат говорна поддршка за лицата со оштетен вид, визуелни објаснувања и поедноставени решенија за лицата со когнитивни потешкотии, како и мобилна прилагодливост што ја прави платформата достапна и за лицата со моторни потешкотии, како и за граѓаните во руралните средини.
На овој начин целиме кон инклузивна дигитална алатка која не само што го олеснува пристапот до изборните информации, туку и активно придонесува кон нивно целосно учество во изборниот процес, зајакнувајќи ги демократијата и еднаквоста во општеството.
Кои сме ние?
Здружението на граѓани Центар за истражувања и анализи НОВУС од Струмица е формирано во 2013 година како непрофитна и невладина организација која работи на полето на човековите права, неформалното образование, младинскиот ангажман и граѓански активизам, социо-економските политики и развој, промоција и зајакнување на младинските политики, промоција на вредностите на ЕУ, социјална и културна промоција и развој како и промовирање на транспарентно работење на властите и институциите.
Од самото постоење до денес НОВУС спроведува истражувања и активности кои се насочени кон транспарентноста на локалните и националните власти и владата, како и помагање и овозможување на младите од нашиот регион знаење и вештини да бидат дел од демократските процеси во нашата земја во работи кои ја засегаат главно младата популација.
Мисијата на Здружението е подобрување и зголемување на капацитетот кај младите како и подобрување на нивните компетенции и вештини преку нивен ангажман и инволвирање во граѓански активизам и волонтерство како и подобрување на целокупната социо – економската состојба на граѓаните во заедницата. Активностите и проектите кои ги спроведва НОВУС има за цел да постигне поголема вклученост на граѓаните и младите претежно социјално исклучени од рурални средини во креирање на општествени политики.
Во рамките на нашето портфолио, успешно е реализиран проектот „Иницијатива за зајакнување на демократијата: зајакнување на политичкиот ангажман и учество во Р.С.Македонија“, финансики поддржан од National Endowment for Democracy за Парламентарните и Претседателски Избори оддржани во 2024 година, кој ги постави новите стандарди за политичко и граѓанско вклучување. Центарот за истражување и анализа НОВУС ( ЦИА НОВУС ) преку веб- платформата “ Изборен Навигатор “ oвозможи едукација и пристап до алатка за подобро усогласување на интересите на граѓаните со достапните политички опции.Овој проект значително придонесе за зголемување на политичката свест и за зајакнување на демократските вредности во нашето општество, преку низа активности и кампањи. Како значајно постигнување се издвојува иницијативата „Промовирање на политичкото учество и граѓански ангажман во изборните и политички процеси“, спроведена во две фази: предизборна и постизборна. Во рамки на оваа иницијатива, НОВУС организираше политички академии, спроведе кампањи за едукација на гласачите и одржа постизборен форум за унапредување на изборниот процес кај младите гласачи. Како резултат на ова, беше развиена онлајн алатката „Изборен Навигатор“, која ја искористија над 10.000 граѓани низ Република Северна Македонија.
